aPo NaK di KaTo

Iyolah kan. Tajuk ea pon dah bunyi macam tu, apotah laie isi ea. Memang spesel bona entry ni, fes time akak tulih pakai loghat nogori ponoh ni. Memang pokek la bak kato oghang tu. Hmm, motif ea bukan apo, takdo kojo. Lagi pun, namo yo anak nogori tapi asyik dok habaq kedah kan3. Tu pon kalau ekau sumo peghasan laaa...~ Jadi kek sini, marilah kito samo2 mengimarahkan belog ni dongan speaking nogori sombilan pulak yo..

Topik ea, takdo. Bantai yolah. Sobab sobona ea, akak tongah boring gilo ni. Tahap dewa dewi la kato oghang. Hari ni, biarlah jadi macam diari sikit. Ceghito pasal diri akak yang makin serabut serabai ni haa... Ponek, lotih, naik hongap ghaso ea duk ghumah ni. Mengadap muko anak-anak. Mengadap muko laki akak...~ (Erk..???)

Hehe... Bukan, bukan. Acah yo tuu. Ponek ni bukan apo, sobab duo tigo hari ni, aktif bona jadi drifter poie balik poie balik kek hospital tunku ampuan najihah kek kolo pilah tu haa. Apo kojadah ea? Haaa, ado la jadah ea tu... Maleh pulak den nak ceghito lobih-lobih. Tapi memang sojak ari jumaat hari tu sampai la hari isnin semalam, naik somput jugak la di buek ea... Baru den ghaso, ponek tak ponek pogang stereng nih. Marin kemain lagi gondok ghiang hati den dapek lesen P tu. Nijam, kau paham-paham sendirilah yoo...

Haa, ceghito pasal cuti. Apo laie nak buek kek ghumah ni. Mombosar an badan tu dah memang wajib! Lain-lain, tak ado. Yang ado... Jago anak-anak den, tengok movie, online internet ni haa. Dan buang maso.

Best? Tolong sediakan senjato api. Den punyolah bosan sampai ghaso nak bunuh diri ni. Eh, tak baik, tak baik. Mintak maap yo sumo, ter'EMOSYENEL' pulak...~ Oleh sobab tibo-tibo ter emosi kek sini, den balik dululah yo... Ghaso macam takdo mood pulak nak menulih...~ Huwaaa...!!!

Tengok. Tuan rumah pon mengantuk. Tetamu ea apotah laie...~

p/s: Kalau ekau tahu macam mano nak buek kuih bahulu, bagitau la kek den yo. Tibo-tibo mengidam pulak...;)